第三章

行山记

“喂，行得未啊！？”，阿辉喺大门口吹我，

“得啦，嚟紧囉，”，我喺房度慢条斯理行出嚟，

“又係你话想跟埋嚟，依家最慢嗰个又係你，强哥佢哋一早喺楼下餐厅等紧啦，”，阿辉挨住度已经开咗o既大门，手指督住隻錶，个样好似好赶咁，

“依家咪行囉，走喇！”，我喺佢面前经过，喺佢面上锡咗啖，行咗出门口，

阿辉平时放假好钟意同啲朋友去行山，今日阿辉又约咗啲行山友一齐行山，我见今日又无样做，突然好想跟埋去，所以就一早起身跟埋佢哋出嚟，

落到楼下，阿辉拖住我，急急脚向住餐厅方向行去，一到餐厅门口，已经见到强哥同细明坐咗喺裡面卡位倾紧计，而且檯面已经有两份早餐摆好喺度，

强哥最先见到我哋两个入嚟，“喂，呢边啊，”，强哥係阿辉o既旧同事，做开厨房o既，身形矮细，虽然结实但唔算大隻，真名裡头又冇个强字，一开始我都唔明点解佢哋叫佢强哥，问过阿辉，但阿辉只係含煳带过，冇同我解释清楚，我亦冇再追究，

细明背住我哋，见强哥向我哋打招呼，佢先侧侧地头偷望咗我哋一下，又揼返低头啜饮佢面前o既冻柠茶，阿辉话过俾我知，细明份人好慢热，但熟络咗会变得好好倾，佢係强哥啲朋友，阿辉都係因行山所以先识佢，

“唔好意思啊，要你哋等咁耐，”，阿辉双手合十，向强哥佢哋表示抱歉，

“唉，乜说话丫，平时都係你等我哋多?嘛，耐唔耐等你一次又何妨，嚟嚟嚟，快啲坐低，帮你哋嗌咗早餐啦，”，强哥招呼我哋坐低，

强哥佢哋一人坐咗一边，阿辉叫咗我坐强哥嗰边，佢自己就同细明坐，

“早晨，强哥，”，我坐低时向住隔离o既强哥微一微笑，

“早晨啊，阿嫂，”，佢都对我笑咗笑，又拍咗一拍重係揼住个头o既细明，“同阿嫂打招呼啦，无啲礼貌，”

细明只係望咗我一眼，点咗点头，好快隻眼又望返住佢杯冻柠茶，

“　　唉呀！唔驶咗客气啦，叫佢阿敏得?啦，”，阿辉放好个背囊坐低咗，“最衰都係佢，搞到咁鬼迟，”，

我向阿辉做咗个鬼脸，“我已经好快?啦！”

“咁都叫快！？迟咗成十五分钟啦，”，阿辉反问我，

“咁我要执嘢丫嘛，临时临急，都唔知有冇执漏嘢添啊，”，我反驳佢，

“唉呀，算啦，都唔怪得阿嫂o既，“，强哥想劝交，“而且又唔係迟咗好多，”

“咪係囉，强哥就讲得啱啦，我又边有错喎，”，我又对住隔离o既强哥笑咗笑，

“唔係喎，迟就係迟喇，点会冇错，你话係咪先，”，阿辉撞一撞佢隔离o既细明，好想佢附和，但细明只係耸咗下肩，表示冇意见，“唉，问着个哑o既，”，连细明都冇理佢，阿辉好似感到有啲失落，只好放弃责怪我，“食嘢食嘢，食完上路喇，”，

我督住自己个鼻做咗个猪样，向阿辉伸脷，“哼，傻仔，”，

我同阿辉急急食完个早餐，阿辉望一望隻錶，“行啦行啦，最后班车就开啦，”，大家就拎齐行李埋单，赶去小巴站，

“喂，未开车啊，快啲上车啦，”，阿辉个冲咗上车，强哥随后，我第三个上，最后到细明，

阿辉坐咗落车头o既双人位，强哥就坐咗喺佢后面嗰张双人位，我一上车，就行咗去同强哥坐，阿辉有啲吓亲，“o下！？ 本章尚未完结,请点击下一页继续阅读---->>>

Loading...

内容未加载完成，请尝试【刷新网页】or【设置-关闭小说模式】or【设置-关闭广告屏蔽】~

推荐使用【UC浏览器】or【火狐浏览器】or【百度极速版】打开并收藏网址！

收藏网址：https://www.fulishuwu.net